BAUHINUS Casparus

BAUHINUS Casparus

Iohannis senioris fil. Medic. D. Rei Anatomicae et Herbariae, in Acad. Basil. Professor, itidemque Principis Wirtemb. archiater, obiit A. C. 1623. aetat. 63. Scripsit Phytopinacem et Pinacem: institutionet Anatom. De partibus similaribus: Theatrum Anatom. De lapide Bezoar: Methodum medendi; de Hermaphroditis: Prodromum theatri Botanici, etc. Huius filius, Bauhinus Ioh. Casparus, Medicinae similiter Doctor celeberrimus, et ultra 47. ann. (cum Lericon primum prodiisset,) in Academia Basil. Professor, Christianissimi Galliae Regis et variorum Germaniae Principum Archiater, praeter omnigenam eruditionem, morum gravitate, rerum usu et prudentiâ inclitus: Edidit tomum I. Theatri Botanici â Patre affectum, aliaque Medicae rei plurimum profutura. Eius fil. Hieronymus, Botanicae idem et Anatom. Professor, haud pridem in flore aetatis, obiit, pater Ioh. Caspari Medic. D. qui iam Montisbelicardi Medicinam feliciter facit, et Ioh. Ludovici ICri, alter Ioh. Fridericus, itidem Medic. D. in patria idem cum successu facit; tertius Christoph. Diaconus Eccles. Micropolitanae haud pridem defunctus est. Ipse vero septuagenario maior post quam Academiam patriam annos supra 50. illustravisset, filium Hieronymum aliquot annis in meliores sedes secutus est, placidâ morte exstinctus. Sed,

Quid numeras annos Scriptor vanissime? Credis

Posse mori, prohibet quem Medicina mori?

Omnes hi:

Ι᾿ητροὶ ἄνδρες πολλῶν ἀντάξιοι ἄλλων.